早幾天傍晚賦閒在家，突然手機大鳴，還以為自己身處烏克蘭，遭受突襲而發出警報！搞清楚原來人在香港，難道是政府要全港禁足大圍封而發警報？於是急急看個究竟，原來是政府早在年半前訂製的天災人禍警報系統作怪，嚇得我一身冷汗。
回過神來一想，全港圍城檢測要是真的打到來，一個家庭的小雪櫃能儲備多少存糧避難？才捱得過一劫呢？所以立即要改變策略，多備些不用冷藏的蔬果肉類作最壞打算。
肉食相對簡單點，儲存些罐頭魚、腸仔、午餐肉或醃製煙熏肉類等；瓜果種類則可以儲存日本南瓜仔、薯仔、青瓜、翠玉瓜、紅菜頭、番茄、甘筍、白蘿蔔、椰菜、娃娃菜、津菜（大白菜）、辣椒都易於存放呀！還有鐵棍淮山可來做蒸、炒、煲湯皆宜。
生果最好是蘋果，做沙律、炒煙肉燉湯容易入饌，檸檬、橙、菠蘿、沙田柚都正，真的不愁無啖好食。只要加些各式意大利通粉、麵食或廣東米粉、蝦子麵餅、乾白麵條，再買些盒裝清雞湯、日式醬汁，便可實行足不出戶，整日上網打遊戲機，看串流平台做宅男，過過日辰又有何不可呢！
共享共嘗：泡菜蘋果炒花腩片
今次和大家分享菜餚是泡菜蘋果炒花腩片。
材料︰包裝韓式泡菜（約6兩）切段、紅蘋果半個（連皮）切片、花腩片10件（連皮）、蔥10短度、薑8小片。
調料︰生抽1湯匙、麻油1茶匙、紹酒1湯匙、海鹽半茶匙、薑汁酒1湯匙。
做法︰蘋果片用熱水加海鹽略浸，撈出，薑汁酒醃過花腩片。炒鑊燒熱注生油，下花腩片煎至兩面焦黃撈出，原鑊下蔥薑片、蔥段爆香下泡菜段炒透，放入花腩片再炒，加入生抽、麻油炒過，下蘋果片，灒紹酒炒勻便可上碟食用。
基哥Tips︰蘋果跟泡菜，甜加酸辣，兩者十分合拍，加上花腩片的油香，大家可以一試，又有何不可呀！
原刊於《晴報》，本社獲作者授權修繕後轉載。
