早上去到茶餐廳，竟然是播緊《心太軟》，大家都唔明白，老闆話是有理由，任賢齊的《心太軟》是把所有問題都自己扛，而特朗普的《心太軟》是把所有問題都別人扛，以芬太尼為理由加中國關稅，究竟芬太尼是什麼，是否好似特朗普所講是鴉片類毒品？
老闆是通天曉，今次竟然唔知芬太尼是什麼，有醫生客人立刻回應話芬太尼是麻醉藥一種，比嗎啡強幾十倍，而事實上嗎啡已經很強，在戰場的士兵如果受傷，軍醫在非迫不得已都唔會用嗎啡，因為用了嗎啡的四肢是不會感到痛楚，甚至腐爛也唔知，最後可能被迫要截肢。如果芬太尼用作毒品，使用者就會變成喪屍，所以特朗普咁緊張，但又唔肯孭鑊，唯有將隻鑊甩畀中國政府，以生產芬太尼為理由加中國關稅，真係一石二鳥。
美國政府官員無理由唔知道，中國是對付毒品最嚴格的國家之一，隨時會是死刑，基本上唔會有人在中國製毒，吸食的人大多數是從外國進口，甚至吸食的人亦不多，因為在吸食之後，從尿液中很容易測得到，之後就要強制戒毒，但身邊朋友都知道那人是癮君子，試問又點會有人吸毒。
至於中國有無製造芬太尼，一定有，但數量唔會多，只會作醫療用途，不會用作毒品，國際機構是很容易監察到。特朗普將問題甩畀中國，可能是日後話中國嚴格控制芬太尼生產而取消關稅，間接話中國以往的確有生產芬太尼，的確是高招，且看中央政府點拆解。
原刊於《明報》，本社獲作者授權轉載。
