早上一覺醒來，發覺比特幣已經超越9萬美元，有不少人話10萬美元不是夢，而且超越白銀，成為全球第八大資產體系。但點解比特幣咁值錢，有人話這是信仰，只要大家相信，比特幣便會值錢，情况好似當年荷蘭鬱金香，不過亦有不同之處，當年銀行是借錢畀人買鬱金香，在超槓桿效應下，鬱金香價值升上天花板，但今次比特幣飈升，唔聽到有銀行借錢畀客戶買比特幣，或者可以容許客戶用其他資產擔保自己買比特幣。用比特幣擔保就很難，因為銀行知道，如果用比特幣做擔保，反而會令比特幣價值急速下跌。
近日有很多用物業抵押問銀行借錢的人都很頭痕，因為銀行有一個部門叫風險管理部，銀行所借出去的錢與抵押品借貸比率要符合金管局要求，風管部亦要求客戶有額外資產證明可以隨時還錢，最好是一比一，否則就要降低借貸比率。
不過，我同意銀行做法，因為客戶唔鍾意可以唔借，如果銀行一早用這個方法，政府根本不用推出辣招與逆周期措施來壓抑樓市，因為樓價根本不會大升。
如果銀行借錢畀人買比特幣，就算風管部接受成交價就是市價，但比特幣本身不能產生入息，銀行很難借錢畀沒有入息證明的比特幣，唔可以借到錢的商品價值是有限的。所以，當銀行打算借錢畀人買比特幣，反而會令比特幣價值下跌。
原刊於《明報》，本社獲作者授權轉載。
