有老友問特朗普當選美國總統是否爆大冷，否則美股、比特幣唔會大升，而中概股、港股不會大跌；事實上在大選之前，特朗普的勝算一直比賀錦麗高很多，理論上特朗普當選之後，美股、比特幣應該下跌才正常，現在算是反常，從投資角度來看，應該點做？
老友的分析亦有道理，我亦認為市場過度反應，如果係咁，投資就要反其道而行，在特朗普當選之後，很多大升的股票是超買，大跌的股票是超賣，所以，什麼股票大升就放那些股票，什麼股票大跌就買那些股票。不過，這只是短線投資，無論贏輸都要很快收手，否則，特朗普最新政策出台，走都走唔甩。
從宏觀一點來看，特朗普當選對內地和香港不利，即使賀錦麗當選結果也是一樣，但有利世界和平，現在所有地區衝突會通過談判而結束戰爭，而談判的過程是漫長的，並且需要得到各方的支持，就算唔支持都唔反對。所以，特朗普對中國態度又未必如傳說中咁差，未必會加60%關稅咁多，而事實上加60%關稅不利美國經濟，仲傷過打「七傷拳」，或者，這是一個談談打打的議題，唔會咁快有結果。
從今次特朗普大勝來看，美國人需要有一個為他們爭取利益，比較獨裁的政府。做過談判的人都知道，與一個獨裁者談判容易過與一大堆民主人士談判，因為民主人士經常都會有新意思，本來很容易有結果，最後都被他們搞衰咗。
原刊於《明報》，本社獲作者授權轉載。
