與以色列不共戴天的「民兵」組織黎巴嫩真主黨原來為免手機洩密，刻意時光倒退30年：成員一律用黨方派發的call機。所有的call機相信直屬黨內部的通訊系統，不沾互聯網。黨中央一聲令下，所有成員立即收到，坐言起行。
冇念到對手會咁毒：係真主黨訂製的幾千部call機裏，各植入約1g的炸藥和遙控引爆裝置。日前，幾千部call機同時引爆，炸死十幾人，炸傷幾千人。遇害者包括兒童，換言之，call機爆炸不只傷及機主，甚至可能禍及旁人。
整批call機來自台灣品牌 境外商家承包生產
不用說，係人都鬧以色列狠毒。但反過來，係唔係也反映阿拉伯人和伊朗人同以色列鬥法的一貫問題：有勇氣、鬥心，差在頭腦。與對方鬥了70、80年，十打九輸，愈打愈火滾、愈昏頭。
收到商家交來幾千個通訊設備後，真主黨技術部門冇拆開睇過有冇ging gung（「景轟」）？測試會否被人截聽、輸入假信息？
須知：敵人植入的炸藥是可見的，通常類似粉末、paste，冇法子用電路來混淆。
交貨前，以色列特務找到空擋來做幾千部設備的手腳，買家毫無所知，夫復何言？
同樣令人絕倒的是：美國第一大報NYT查到，整批call機來自一種台灣品牌。
該台商立刻出鏡表白：商標確是該公司的，但貨並非其生產，而是承包給境外商家，由後者代工。
台灣商家當然不會出賣買家。但產品掛自己的品牌，至少出貨疏忽，責任難逃。賠上整個公司都抵消不了十幾條人命。台方怎樣避免捲入這個中東最棘手的漩渦，也很考智慧。
原刊於作者網誌，本社獲作者授權轉載。
