有老友話很麻煩，都唔知點樣解決，原來老友有一個長輩親戚回流，寄居在他的家裏，當時話搵到地方搬就離開，仲交少少租畀老友。但住了半年之後，不但沒有些少跡象搬走，而且愈嚟愈過分，假期叫埋朋友返屋企打麻雀，老友知道我係收租佬，問我有冇辦法趕走他的親戚。
冇辦法唔做
我就冇辦法，不過可以參考粵語長片包租婆陶三姑及包租公高魯泉做法，當三房客冇租交，陶三姑與高魯泉就會鬧交，日嘈夜嘈，希望可以嘈走三房客；如果冇效，兩人就會打交，甚至會攞埋菜刀，務求令到三房客住到膽戰心驚，最後都會如願以償。所以，老友回家之後應該同佢老婆要不斷嗌交，日嗌夜嗌，如果冇效就要打交，一定可以攞返間房，老友問有冇一些現實例子給他參考。
有不少人質疑，哈馬斯點解咁蠢，明知會受到猛烈回擊，仍然以飛彈突襲以色列，現在加沙地帶受到地氈式轟炸，都唔知點樣收科，哈馬斯隨時遭清洗，全軍覆沒。
我相信哈馬斯絕對了解後果，但冇辦法唔做，甚至可以說哈馬斯是死士，原因是美國在中東地區有近200 個軍事基地，中東國家早就希望美軍搬走，但美國毫無表示，現在哈馬斯與以色列交戰，雖然處於下風，但激起穆斯林的愛國情懷，不時突襲支持以色列的美國人。正是好漢不吃眼前虧，導致有幾十萬美國人打算離開中東地區，而美國在中東地區的軍事基地亦有可能被迫關閉，這是中東伊斯蘭國家的目的，不過由哈馬斯做死士，計劃是否會成功我唔敢講，但代價將會非常大。
原刊於《明報》，本社獲作者授權轉載。
