自從公司兩年前買了兩層中環中心之後，有一個老友見到面都會話我們同誠哥對賭，一定恨錯難返。
我已經解釋過幾次，買樓是不會恨錯難返，只有賣樓才會，我們買樓投資，並不一定會贏，當時不利兮，唯有話有買貴冇買錯，而這句話真正的意思是我們可以守得住，請對方放心，唔會恨錯難返咁大件事。
可惜老友不明白，每次見面，無論人多人少，一定會再提一次，有時都幾無奈。
持BNO移居英國 憂兩頭唔到岸
老友一直睇唔好香港，奈何條件有限，移民也不是那麼容易，但自從英國宣布BNO計劃，老友坐言起行，不但立刻準備用BNO移居英國，並且將自住單位也賣走。
不過，人無遠慮必有近憂，最近他擔心移居英國之後，流亡英國的香港人知道他是用BNO移居英國，表示他對中國及香港不滿意，就會游說他簽新約章，他當然可以唔簽，但5年之後英國未必會接受他申請移民，簽了之後仲大件事，可能觸犯了《國安法》，唔可以再返香港，變成真正的恨錯難返。
所以，他遲遲未敢起行，但自住單位已經賣走，如果現在要買回類似單位，最低限度要多付10%，都未必可以買到，老友終於明白，只有賣樓之後才有機會出現恨錯難返。
原刊於《明報》，本社獲作者授權轉載。
