近日有很多自置物業做生意的老闆賣鋪，有老友問我點睇這一班老闆？
在社會角度，我非常佩服，他們當中任何一個都可以稱得上是好老闆，試問在前年6月的社會運動開始，接着新冠疫情，香港飲食零售市場簡直苦不堪言，不少老闆早已結業，能夠捱到現在才賣鋪，怎能夠不稱呼他們是好老闆？這些老闆有一個特點，就是不會欠員工的薪金以及長期服務金等，所以，我們亦聽不到有員工指摘這些賣樓老闆欠薪。
現在賣鋪的老闆，例如義順、羅富記，多數有幾間鋪，在疫情封關下，賣一間救亡，亦是沒有辦法中的辦法，在賣鋪之後，多數會售後租回，而且租金不俗。
做地產生意的人明白，租金高自然賣得好，但買樓的人以為有一張租金不錯的長租約，這可能是他們一廂情願，因為賣鋪的雖然是一個好老闆，但卻未必是一個長租客，完成當下的租約應該沒有問題，但多數不會簽新租約，因為那位老闆可能仲有幾個鋪位仍然做緊生意。租金高亦是一個問題，所以，買鋪的人千祈唔好寄以厚望，以為租約到期可以加租。
事實上，前業主可以完成租約已經是唔錯，所以，買鋪千祈唔好貪租金高，回報好，因為租金高的背後代表售價亦高於市值，多20% 租金，就算買貴10% 都係唔抵。不過，話分兩頭，優質鋪位是可遇不可求，業主冇甜頭又點會賣，買貴咗當機會成本。
原刊於《明報》，本社獲作者授權轉載。
