有年輕朋友打算買新樓盤，但又擔心買了之後樓價下跌，他究竟應該買哪一區的新樓盤？
我認為擔心新盤價下跌，在買新樓時首先唔好理哪一區，而是要買最暢銷的新盤。如果一個新盤在地產商推出時銷量不足五成，結果是地產商有可能減價加佣增回贈促銷，同時會有部分買家撻訂，造成骨牌效應，令到其他買家遭受無妄之災，所以買暢銷新盤比較穩陣。當然，這並不代表新盤樓價不會下跌，只是機會比較小一些。
其次是睇地產商付款方法，愈容易買代表愈多不合資格的人去買，如果動用到「呼吸 plan」就更加要小心。如果樓市有乜風吹草動，那些人便會放棄訂金，令到所買的新盤樓價下跌，其他買家也受到無妄之災。
現在買樓要以不求有功，但求無過的心態去買，唔好要求買入之後樓價會大升，首先是買入的新樓樓價能夠保持平穩，因為買樓是要睇長線，如果今日唔跌，就是日後上升的先決條件，否則在業主爭先恐後出貨時，樓價會愈跌愈多。
我講的事實，地產商全部都知道，除非香港經濟真的很差，否則地產商都不會減價出貨，就算有買家撻訂，地產商在殺訂之後立刻會加佣促銷，務求將撻訂單位加價出售，將不利消息變做促銷。因此，太多撻訂的新盤亦要小心一點，但不是壞消息。
原刊於《明報》，本社獲作者授權轉載。
