有老友同我講，今次香港死梗，新加坡現在招聘全球最優質人才去新加坡工作，據人力資源報告，去年已經有700幾個香港金融專才去了新加坡工作，唔使幾耐，香港將會失去已經危危乎的金融中心位置，唔使講一定給新加坡奪得。
老實說，我被老友嚇了一跳，因為有700幾個金融業專才去了新加坡，真係唔講得笑。
我睇吓去新加坡工作的條件，原來不是太多香港人夠資格。首先，申請人要有月薪最低3萬坡元，大約17萬港元，在香港金融行業來說，這個收入並不太高，但有這個收入，未必要去新加坡工作。
星有地緣政治問題
其次是申請人需要證明自己已經或即將在一家成熟公司工作，即市值最少5億美元，年收入最少2億美元，這點我覺得奇怪，新加坡是否招聘人才，抑或希望人才可以為新加坡帶來巨額收入，講得唔好聽，即是搶其他地方生意，我相信其他地方都會起戒心，人才或者會去新加坡，但生意就不會離開。而且新加坡有地緣政治問題，萬一中美發生衝突，美國要凍結中國人在新加坡的資產，咁就一鑊熟。
估計中國人是不敢放大量資金在新加坡，就算香港人可以去新加坡工作，新加坡政府都是得物無所用，那些去了新加坡工作人很快就會被踢走，咁危險的事，唔會有太多香港人願意去新加坡工作。
最令人費解的就是新加坡總理李顯龍在8月9日國慶日連續發表演說，提醒國民新加坡在未來幾十年將會很困難，叫國民有心理準備。以中國人的哲學，明知有此危險，就應該韜光養晦，減少支出，希望曙光盡快出現，而非大力擴張，力爭世界金融中心地位。
至於打算去新加坡工作的香港人，我認為各人有各人打算，我唔敢亂作批評。
原刊於《明報》，本社獲作者授權轉載。
