近日有很多物業投資者都非常頭痛，由於銀行改變物業按揭的計算方法，由以往的貸款價值比（LTV）改為現金流，不少投資者要補差額，無錢補唯有賣樓，由於太多人要賣樓，一時三刻都唔係咁容易賣得走。所以，近日市場上有不少可遇不可求的「筍盤」出現，有投資者同我呻，在疫情前，offer多到滿天飛，如果當時願意賣樓，現在就唔會頭痛。
物業投資行有一句話，最容易買樓的時候才可以買到靚樓，所以，在容易買樓的時候千祈唔好貪平，買一些地點唔好，方向不佳，樓層不高的單位，一定要買靚樓，就算價錢稍貴都值得。而且，靚樓最主要作用就是可以用作防守，當樓市不好，只有靚樓才比較容易賣走。如果在市道唔好貪平買了一些比較差的單位，當有需要的時候，那些單位又唔係咁容易賣走。
靚樓可防守 樓市不景最易賣走
當樓市暢旺，樓價不斷上升，一般業主都唔想賣樓的時候，又唔知點解，手上物業又很容易賣走，到那時候一定要逆向思維兼捨得，賣走手上最差的物業，如果好價，比較好的也可以賣。總之一定要賣走部分手上物業，否則當樓價下跌，租金收入減少，利息上升時就沒有防守力。
老實說，樓市上升時賣樓，賣了之後一定會被人笑，尤其是在物業市場打滾多年的投資者，這是一個「過到自己，過唔到別人」的關卡，如果做到在沒有必要時賣樓，而樓價又低於市價，那人一定是頂級物業投資者。
今次銀行call loan，大家才發覺，很少物業投資者趁樓市上升時賣走手上一些質素比較差的物業，繼續增持反而不少，令到不少物業投資者的財政出現少少危機，但不會有大礙。不過，經過今次血的教訓，當很容易賣走手上物業的時候，即使唔想賣都要賣走一些，唔好問理由，這是物業投資的物質不變定律。
原刊於《明報》，本社獲作者授權轉載。
