今次新加坡成為Taylor Swift東南亞獨家演唱會舉辦之地，令到新加坡人不但非常雀躍，甚至有些囂張，認為將東南亞國家比下去，叫去新加坡打工的馬來西亞人做「馬勞」；但與此同時，總理李顯龍要開記者會「拆彈」，表示新加坡搶到Taylor Swift演唱會，但歡迎東南亞國家人民去新加坡睇，而且表現相當謙卑。
有不少人唔明白，點解李總理與新加坡市民的表現不同，因為李總理知道，今次將盟友當敵人，真係好大件事。
如果法國政府補貼，秘密搶得Taylor Swift在歐盟獨家演唱會，並只准她在法國開演唱會，唔准去其他歐盟國家，如果要在歐洲睇Taylor Swift，只能夠去法國睇，歐盟其他國家怎樣看待法國？甚至可以講，法國不再是歐盟成員，如果其他歐盟國家又搞什麼秘密贊助，話唔定歐盟散了。
歐洲有歐盟，亞洲有東盟，東盟有10個成員國，總人口超過6億，而新加坡只得500多萬人口，不足1%，但新加坡經濟的確超越其他東盟成員國，但不代表可以凌駕他們，反之要與其他東盟成員國保持良好陸鄰關係，否則，受到東盟其他國家抵制，包括生活必需品及勞動人口，對新加坡來說絕非好事。
高價搶Taylor Swift演唱會 長遠得不償失
其實，新加坡政府應該知道，東盟其他國家未必有能力或者有興趣主辦Taylor Swift演唱會，最後都是由新加坡獨力主辦，屆時，新加坡可以大聲講，為了東盟其他國家才主辦Taylor Swift演唱會，才能夠吸引東盟國家人民去新加坡睇，今次見唔到任何一個東盟國家領導人出席TS演唱會，連稍有名氣的人都很少。由此可見，東盟其他國家其實在某個程度上抵制新加坡，所以，李總理才要開記者會解釋一下。
印尼方面亦表示，對於有價值投資，政府亦會秘密資助，這句說話代表東盟開始瓦解。新加坡政府話今次雖然用高價搶到Taylor Swift演唱會，但有5億美元經濟效益，其實，就算有5億美元經濟效益都是暫時性的，長遠來看，新加坡的損失很大，得不償失。
原刊於《明報》，本社獲作者授權轉載。
